Un veciño de Moaña de 45 anos sufriu esta madrugada unha caída dun patinete eléctrico en Abelendo pero cando chegou a patrulla da Policía Local xa non estaba no lugar. Segundo as testemuñas, ao oír que chamaban aos servizos de urxencias levantouse e marchouse para o seu domicilio. Foi na súa vivenda onde foi identificado e onde se comprobou que presentaba feridas na cara, aínda que non quixo asistencia médica e fíxose cargo un familiar. Ocorreu na rúa Doutor Soage Hermida ás 4:10 horas da madrugada.
![](https://morrazonoticias.com/wp-content/uploads/2023/08/WhatsApp-Image-2023-08-06-at-13.48.11.jpeg)