Dúas persoas resultaron feridas tras envorcar o vehículo no que viaxaban pola Avenida de Marín, a PO-313 en dirección Moaña-Marín, entre a empresa Canducho e a subida ao cemiterio municipal. Segundo informa a Policía Local, que se desprazou ao lugar, o coche saíuse da calzada e envorcou por causas que aínda se descoñecen aínda que se sospeita que o condutor puido sufrir un mareo e atoparse indisposto. O terceiro ocupante, en principio, está ileso.
Ao saírse da estrada, o vehículo chocou contra outro coche que se atopaba estacionado. Ocorreu ás 20:00 horas.