Dúas persoas resultaron feridas nun aparatoso accidente ocorrido ao redor das 11:30 horas en Abelendo, na zona de Fonteveita. Segundo informa a Policía Local, o condutor do vehículo baixouse, esqueceuse de botar o freo de man e o vehículo foise marcha atrás. Testemuñas aseguran que nese momento volveu meterse no coche pero non conseguiu frealo e acabou envorcando. A copiloto, parella do condutor, tirouse co coche o marcha e resultou, en principio, ferida leve. O marido non conseguiu saír do vehículo e tivo que ser excarcerado.
Ambos foron trasladados en ambulancia a un hospital.
Ata o lugar trasladouse Protección Civil de Moaña e a Policía Local.
