Cinco rapaces de entre 18 e 20 anos resultaron feridos esta madrugada en Cangas tras saírse da estrada o coche que conducían e chocar con outros dous que había aparcados. Un deles quedou danado por un lateral e outro totalmente inservible.
Ocorreu ás 5:20 horas da madrugada na Avenida de Ourense, xusto diante do cuartel da Garda Civil, por causas que de momento se descoñecen. Os cinco ocupantes do vehículo só tiñan feridas leves polo impacto, ainda que algúns deles foron trasladados ao hospital.
Ata o lugar do accidente trasladouse a Garda Civil de Cangas, Tráfico, 061 de Cangas, Policía Local e Protección Civil do municipio.
