O Kanekas Metal Fest de Cangas cada vez faise máis internacional. No seu décimo segunda edición, que terá lugar os días 21 e 22 de xullo, contará con reputadas bandas internacionais como Crypta (Brasil), Sinister (Holanda), Persefone (Andorra) e The Arson Project (Suecia). «Un enorme esforzo para dar un gran salto de calidade, tanto nos grupos participantes como da loxística do festival», explica o responsable da asociación cultural Morrázica, Roberto Varela, entidade organizadora deste evento desde os seus inicios en colaboración co Concello, que participou na presentación do festival acompañado da concelleira de Cultura, Aurora Prieto.
Aínda con catro bandas de primeiro nivel no mundo, o Kanekas asegura que continúa mantendo a súa «filosofía inicial» de «apoiar aos grupos emerxentes galegos e nacionais». Por iso é polo que tamén teñan a súa oportunidade os vigueses Agónica, Raze (As Pontes), os mallorquinos Golgotha, os valencianos Noctem, os cataláns Vidres a la Sang, os alacantinos Mind Driller, os ourensáns Scent Of Death ou os coruñeses Cruzeiro.
Distribución de Concertos:
Venres: Noctem, Golgotha, Crypta, Agónica, The Arson Project e Raze.
Sábado: Sinister, Cruzeiro, Vidres a la Sang, Persefone Scent Of Death e Mind Driller.
![](https://morrazonoticias.com/wp-content/uploads/2023/07/358588740_621425116774867_2020633226954974452_n.jpg)
![](https://morrazonoticias.com/wp-content/uploads/2023/07/358733961_621425090108203_6347584364529225969_n-724x1024.jpg)
Sesión vermú o sábado
Como ocorre desde o ano pasado, os concertos comezarán ás 19:00 horas, serán gratuítos e celebraranse na chaira de Follea, aínda que nesta ocasión cunha gran novidade. O sábado haberá unha sesión vermut ás 12:00 horas amenizada polo grupo cangués The Resacas e os pontevedreses Freaxoustic.
Os organizadores esperan reunir ao redor das 10.000 persoas durante os dous días. Están convencidos de que superarán as cifras do ano pasado, cunhas 4000 persoas de media cada día, chegadas de toda España e tamén do estranxeiro.