O goberno local presentará alegacións en caso non acadar un acordo ao considerar que o proxecto é lesivo para os intereses da veciñanza
O Concello de Vilaboa estuda presentar alegacións ao proxecto de abastecemento auxiliar da subestación eléctrica de Bértola elaborado pola empresa Red Eléctrica de España e que neste momento se encontra en fase de exposición pública. O Concello de Vilaboa considera que o actual trazado marcado pola eléctrica pode no futuro resultar perxudicial para os intereses dos veciños ao condicionar a expansión da rede de municipal de saneamento.
Por elo, dende hai varias semanas o alcalde de Vilaboa, César Poza, iniciou unha serie de conversas cos responsables de Red Eléctrica co obxetivo de buscar alternativas que non resulten lesivas para a parroquia de Bértola. Poza aposta por unha solución de consenso e un acordo rendable para as dúas partes. En caso de non producirse o goberno local de Vilaboa defenderá os intereses da veciñanza e presentará as alegacións que considere oportunas na busca dun trazado alternativo. César Poza trasladou aos voceiros dos grupos municipais da oposición o contido das reunións e a postura do goberno local para manter unha postura unánime.
As obras da subestación eléctrica de Bértola están xa na súa recta final e o Concello de Vilaboa mantén coa empresa unha actitude conciliadora que confía en que teña o seu reflexo na empresa que aínda ten pendente de solventar os danos derivados da execución dos traballos.
