Pequeno susto esta mañá no centro de Moaña cando un taxi que se atopaba aparcado na parte traseira da Praza de Abastos, no entorno do palco da música, precipitouse ata o bordo do paseo e estivo a moi pouco de caer ao mar. Afortunadamente non o fixo e o condutor, que foi quen alertou á Policía Local do que ocorría, conseguiu recuperar o coche sen ningún dano gracias a unha grúa.
Todo parece indicar que o vehículo, que non estaba de servizo e que é de fora de Moaña, tivo un fallo no freo de man e a pequena inclinación provocou a súa marcha.
