A Policía Local e a Policía Nacional personáronse na Rúa Méndez Núñez, na esquina con Concepción Arenal, fronte a Alimentación Isabel, onde se produciu unha explosión dunha bombona de butano no interior dunha pequena vivenda antiga, situada entre dous edificios, causando enorme estruendo. O home que reside na vivenda tivo que ser evacuado por unha ambulancia con urxencia debido a queimaduras no seu corpo, aínda que puido saír polo seu propio pé.
Os cuantiosos danos materiais eran visibles desde a rúa, levantándose fiestras e deixándo fóra obxectos do interior da vivenda.
O inmoble será valado e apuntalado e buscarase a unha empresa para a súa demolición.
Ao lugar acudiron os axentes da Policía Local, a Policía Nacional e os Bombeiros do Morrazo. Ademais, un técnico municipal realizará un informe sobre o estado no que queda o inmoble despois da explosión para tomar as correspondentes determinacións para garantir a seguridade.