A empresa Enmacosa realizou unha revisión do elemento patrimonial onde aparecen desperfectos importantes na cuberta, que poden producir desprendementos. Ademais, aparecen problemas nas bases das columnas e capiteis e nalgunhas zonas da varanda metálica
O Concello de Marín solicitou á consultora Enmacosa a revisión técnica do Palco da Música da Alameda co obxecto de facer unha inspección exhaustiva e garantir a seguridade ante o evidente deterioro que vén sufrindo a cuberta.
Na tarde de onte, traballadores da empresa realizaron a revisión do elemento patrimonial para verifi car o estado de conservación e as lesións presentes na estrutura visible da edifi cación patrimonial.
Esta inspección puxo en evidencia que o estado actual da estrutura metálica aérea de piares, capiteis e contorneados arquitectónicos de fundición existentes presenta síntomas de oxidación en varios puntos, así como a balaustrada dos laterias, que tamén presenta a mesma problemática e puntualmente con algunha perforación na chapa.
Tamén se atoparon varias fi suras e pezas de sillería de granito rotas nos pedestais dos vértices da estrutura do propio palco, con roturas considerables nas bases e fi suracións nos encontros laterais coas anclaxes metálicas das varandas.
Así a todo, o que máis chamou a atención foi a inspección da cuberta, que presenta elementos de madeira en estado de avanzada podredume, presentando un risco de desprendemento dos mesmos. Ademais, tamén se ven afectados por este problema os focos de iluminación interior que están próximos a caer.
Todos estes desperfectos débense, sobre todo, ao mal estado das tellas de pizarra que conforman a cuberta exterior, que están desprazadas, provocando fi ltracións continuadas, que rebrandecen os elementos de madeira.
Ante esta situación e á vista do informe técnico, o Concello seguiu as recomendacións de tomar medidas urxentes de seguridade, restrinxindo totalmente o acceso ao Palco, procedendo ao valado do perímetro de separación co que garantir as condicións de seguridade na zona.
Ademais, encargouse de urxencia un estudo pormenorizado das patoloxías que presenta a estrutura e que servirá como base para a redación do proxecto de restauración do Palco, un dos elementos patrimoniais máis importantes da nosa Alameda.