Benigno Villoch pídelles que para cuestións que non sexan vitais pidan cita no seu centro de saúde para ser atendidos debido a que «aínda que estean lonxe a cita será telefónica». Así, ante a falta dun facultativo destinado á atención aos desprazados, evitarase o colapso das urxencias
Hoxe, 1 de xullo, o centro de saúde de Cangas continuará aberto pola tarde pero o seu responsable está preocupado por como o equipo médico, que se atopa baixo mínimos ao non cubrirse as vacacións nin as baixas e, ademais, non contar cun facultativo para os desprazade@ s, poderá atender a tod@ s os usuarios e usuarias que o demanden. É por este motivo que lanza un chamamento a l@ s turistas que desde hoxe estean ou pretendan pasar as súas vacacións en Cangas e que precisen de atención sanitaria. Benigno Villoch pídelles que, #ante cuestións que non sexan vitais, soliciten cita no seu centro de saúde habitual para evitar o colapso das urxencias. «Aínda que estean lonxe, a cita será telefónica e, por exemplo, cuestións como repoñer a medicación ou para receitas son posibles na distancia e non é necesario acudir a urxencias», explica Villoch.
O xefe xa vaticinou que este sería un verano “moi duro” porque “a xente ten ganas de moverse” e teranse que atender os servizos habituais, os desprazados en urxencias e a campaña de vacinación.
