A concelleira Marián Sanmartín presentou a mostra con Cristina Barreiro e Mara Fariña, organizadoras desta cita, que será o 7 e o 8 de febreiro
A beleza e a espectacularidade da camelia volverá este ano ao Museo Torres de Marín. O evento Camelias e Mar volverá a celebrarse o 7 e 8 de febreiro, tal e como anunciaron as organizadoras da mostra, Cristina Barreiro e Mara Fariña, en compañía da concelleira Marián Sanmartín.
Está previsto que o evento, que celebra a súa novena edición, arrancará a primeira hora coa recepción das flores dos que expoñen. Barreiro adiantou que repiten practicamente todos os expositores, o que dá boa conta da enorme popularidade entre os afeccionados á camelia que ten a mostra marinense.
A mesma mañá do sábado será a inauguración a partir das 13.00 horas e durante o resto da fin de semana poderá visitarse de 11.00 a 14.00 e de 16.30 a 20.00 horas.