A gran festa dos locais de Marín será o sábado 27. A alcaldesa remitiulles cales serán as normas municipais para o uso de música e das barras no exterior de cara a conciliar a festa co descanso da veciñanza
A alcaldesa, María Ramallo, acompañada polos concelleiros Marián Sanmartín e Manuel Santos, e polo Xefe da Policía Local, Benigno Blanco, mantivo esta mañá unha reunión de coordinación coa hostalaría de Marín de cara á celebración da festa do San Migheleiro, que terá lugar o sábado 27 de setembro.
No encontro, que participaron 20 hostaleiros e hostaleiras, fi xáronse as normas para tratar de conciliar este día festivo co descanso da veciñanza. Así, tendo en conta que a natureza do San Migheleiro é que sexa unha festa que se estende ao longo de todo o día, non se permitirá ter música na rúa e servir bebidas máis alá da unha da madrugada. “Tradicionalmente, o bonito do San Migheleiro sempre foi desfrutar durante todo o día, desde a mañá e durante toda a tarde, e consumir nos nosos bares, por eso cremos que limitar á 01.00 fomenta ese ocio diurno”.
En canto ao resto do tempo, cada local deberá presentar unha solicitude no Concello indicando en que franxas horarias queren poñer música na rúa. Desde o Concello, avaliaranse unha a unha as peticións, para tratar de coordinar as zonas e os horarios e comprobar que se presentou correctamente o Seguro de Responsabilidade Civil correspondente. Ademais, tendo en conta que a tradicional ruta desta festa só se mantén practicamente pola mañá, o Concello porá dúas charangas e unha batucada dende as 11:30 ás 15:00 horas.
Na solicitude, os locais tamén deberán indicar se van habilitar postos de comida no exterior. En caso de que así sexa, deberán ter en conta que estará prohibido facer lume baixo toldos, instalacións eléctricas ou elementos susceptibles de arder e que todo o espazo terá que estar protexido para evitar queimaduras e que se esparexan cinzas, graxas e aceites.
Como todos os anos, aínda que se coloquen barras nas fachadas, será igualmente obrigatorio deixar acceder á clientela aos aseos do local e con respecto á limpeza, cada establecemento será responsable de deixar baldeada, varrida e recollida a zona que ocupe, aínda que o Concello realizará unha limpeza xeral ao día seguinte.
Cumprimento da ordenanza sobre a recollida das terrazas
Outro tema que se tratou na reunión foi o contido recollido no ofi cio mandado hai unhas semanas aos locais sobre as terrazas. A alcaldesa explicou que tanto a obligatoriedade de recoller o mobiliario que as compón dun día para o outro, como a da limpeza e ornato, están recollidas tanto nesta ordenanza actual como na anterior.
“Nos últimos tempos, detectamos que practicamente ninguén recolle o mobiliario de terraza e apenas hai limpeza por parte da hostalaría, polo que nos vemos na obriga de tratar de facer cumplir a normativa para o bo uso do espazo público”, explicou a alcaldesa.