As obras de construción do edifi cio están prácticamente rematadas. Agora, estase traballando na conexión eléctrica, o formingonado e plantado de parterres do exterior e na dotación do equipamento escénico
Desde esta mañá, o Auditorio perdeu o seu “mantón” e xa é visible en toda a súa fi sionomía. Ao longo da xornada, foi retirado o peche de obra que mantiña parcialmente oculto o edifi cio, dado o avanzado das obras constructivas. O peche foi substituído por vallas metálicas, que manteñen pechado o entorno.
Tal e como explicaron desde a empresa, é precisamente na contorna do edifi cio onde se centran os seus últimos traballos, tendo en conta que xa está rematada a construción do mesmo. Estase creando unha pequena vía peonil pola zona lateral do edifi cio e prevese que ao longo da próxima semana, se a chuvia o permite, se remate co formingonado de todo o acceso principal e lateral, onde tamén se deixarán listos uns parterres de gran tamaño que cambiarán radicalmente a imaxe da zona cando estean plantados.
Paralelamente, a empresa do equipamento escénico está ultimando a súa instalacións. Focos, mesas e equipos de son, telóns, varas, bambalinón, cámara negra… Todo o necesario para que o Auditorio poida acoller todo tipo de espectáculos unha vez estea aberto. Tamén están avanzando os trámites con Fenosa para rematar as obras de conexión e que o edifi cio poida contar con subministro eléctrico.
O obxectivo é poder abrir as portas do Auditorio no primeiro trimestre de 2026, con todas as prestacións listas e unha proposta de programación que achegue as artes escénicas á veciñanza.