Ademais, o sábado 13 de decembro as ANPAs organizarán o Mini Mercado de Nadal na Carpa do Parque Eguren
Como cada ano, o Concello coordinará unha acción conxunta entre as ONGs e os centros educativos de Marín, a Semana da Solidariedade, no que se procura facer unha importante recollida de alimentos non perecederos, produtos de Nadal e produtos de hixiene e limpeza.
A campaña consistirá en que durante a semana do 12 ao 18 de decembro, o alumnado e as familias poidan aportar algún produto. Despois, xuntarase o recollido para que as ONGs fagan o reparto, tendo en conta o número de familias ás que axuda cada asociación non lucrativa: o Comedor Benéfico, Cáritas, Cáritas Santomé, Ayuda en Acción Sor Elvira e Amenac.
Mini Mercado das Anpas, o sábado 13
Ademais, as ANPAS dos coles de Marín organizarán de novo o Mini Mercado de Nadal, que poderá visitarse na carpa do Parque Eguren do sábado 13 de 17.00 a 21.00 horas.
O obxectivo é poder recadar financiación para sufragar os gastos que se derivan das actividades que realizan ao longo do ano.