Os concelleiros de Marín Pablo Novas e Manuel Domingos estiveron acompañando aos operarios de Juan XXIII para comprobar o avance dos desbroces que se están realizando desde hai meses para manter o rural limpo. Agora vense de rematar a zona 3, que abarca Resille, Lameiro, Cabodevila, O Pazo, Igrexario de Ardán, Picotes, Malvido, Vilaseca, Xuncal, Xermade, O Con, Bexa, Soaxe, Seixo, A Brea, Castro, Porteliña, Cidrás, Aniñada, Sequelo, Sete Espadas, Cruceiro do Vento, Outeiro, Igrexario de Mogor e Bagüín.
Agora estase actuando na zona 4, que abrangue Carballal, Igrexario de San Xulián, Grela, Bouza, Pena, Caeiro, Coirados, A Roza, Vista Alegre, Macenlle, Moreira, Pardavila, Fixón, O Pozo, Cadrelo, O Pereiro, Silvestre, Troncosa, Esperela, Ruanova, Sobreiras, Ameal, Oubiña, Currás, A Torre, Cernello, Igrexario de Santo Tomé de Piñeiro, O Coto, Allariz, Miñán, Candóns e Pastoriza.
De car a setembro, iniciarase a limpeza dos terreos municipais dos montes da vila.
