A Alternativa dos Veciños de Cangas convoca a toda a cidadanía á Asemblea Veciñal sobre a Taxa do Lixo, un encontro informativo aberto no que se abordarán as principais dúbidas e preocupacións relacionadas coa nova taxa xestionada pola Mancomunidade do Morrazo.
A reunión terá lugar no Salón da Casa da Cultura, mañá xoves 27 de novembro ás 20:00 h.
Durante a sesión trataranse cuestións que están a xerar incerteza entre a veciñanza, como:
- Quen debe pagala
- O importe da taxa
- Posibles bonificacións
- Se pode fraccionarse
- Procedementos para presentar recursos
- Situación das zonas máis afastadas
- Exencións e casos nos que non se aplica
- Prazos e calendario
O obxectivo principal é ofrecer información clara e contrastada, resolver as preguntas máis frecuentes e facilitar que cada veciño e veciña coñeza os seus dereitos e obrigas respecto desta nova taxa.
A Alternativa dos Veciños anima a toda a poboación a asistir, pois considérase fundamental contar cunha participación activa para defender os intereses do municipio e garantir unha xestión transparente.