Trátase de dous servizos esenciais a prestar e que estarán contratados antes do verán. Ademais, a obra de mellora do Vial de Praias, coa rehabilitación do paseo e o carril bici, avanza a bo ritmo
O Concello de Marín xa ten a vista posta na tempada estival, xa que a preparación e a posta a punto dos areais supón un importante traballo de inversión e de xestión para cubrir todos os servizos.
Entre eles, están os de limpeza, tanto dos propios areais como dos seus espazos de uso común: baños, accesos…, e o balizamento, esencial para garantir a seguridade dos bañistas. Ambos servizos estaban contratados ata o de agora pero acabaron os anos de duración do contrato.
Por iso, esta semana aprobouse en Xunta de Goberno Local iniciar a tramitación de ambos expedientes, para poder preparar os pregos de contratación e sacar de novos as licitacións, de tal forma que a adxudicación se faga con tempo sufi ciente para ter en marcha ambos servizos antes do verán.
A mellora do Vial de Praias, avanzando
Por outro lado, está en proceso de execución a obra de mellora do Vial de Praias, tanto para o tránsito peonil como para a renovación do carril bici, que se atopaba moi deteriorado. Os traballos céntranse nestes momentos na zona entre o inicio do Vial e a praia de Portocelo, pero tamén engloban toda a Rúa do Forte e a súa conexión co corredor litoral, chegando ata o Centro de Intepretación de Petróglifos de Mogor.
Cando a obra remate, suporá que Marín contará cun itinerario peonil e ciclista seguro e ininterrumpido desde Cantodarea, na fronteira co termo municipal de Pontevedra, ata Mogor.