A Federación de Comerciantes e Industriais do Morrazo_ FECIMO, colabora con Galicia Business School, escola de negocios de grande recoñecemento en Galicia, co fin de impulsar o crecemento empresarial e a transformación dixital das empresas do Morrazo.
O vindeiro 14 de outubro comezará a impartirse o PROGRAMA GENERACIÓN DIGITAL PYMES que se extenderá ata o 5 de febreiro, ata completar un total de 146 horas lectivas combinando sesión presenciais con sesións online. Este programa incluirá 10 horas de mentorización personalizado e 34 horas do Programa Experto en Intelixencia Artificial para a empresa.
O Programa Generación Digital PYMES está deseñado específicamente para directivos e empresarios de pymes que buscan afrontar os desafíos da era dixital e pontenciar a competitividade dos seus negocios. Ao longo deste programa gratuíto (Fondos Next Generation) os participantes aprenderán de expertos na materia, os cales lles proporcionarán as ferramentas e coñecementos necesarios para abordar a transformación dixital nas súas empresas de maneira eficiente e efectiva.
Os módulos abarcarán temas cruciais, como a adaptación ao contexto dixital, a mellora da experiencia do cliente, a implementación de tecnoloxías emerxentes e a xestión do cambio nas súas organizacións.
Esta formación acreditará aos participantes co título “Programa Experto en IA para la Empresa” e obterán competencias profesionais prácticas sobre IAs xenerativas, predictivas, axentes e automatización, co obxectivo de mellorar a produtividade dos profesionais.
As prazas son limitadas e está destinado a empresarios, directivos e responsables departamentais de calquer área de Pymes de entre 1 e 249 traballadores, que estén dispostos a transformar a realidade do seu negocio da man de recoñecidos docentes.